Отандық өндірушілердің «адалдығы» тексеріледі

Премьер-министр Олжас Бектенов 2024 жылғы 8 қарашада шағын және орта бизнес форумында өз тауарларына "Қазақстанда жасалған" белгісін желімдейтін отандық өндірушілерді қалай тексеретінін айтты, деп хабарлайды Zakon.kz.

Оның пікірінше, ең күрделі мәселе — бұл отандық өндірушілерді сәйкестендіру жүйесі.

"Мемлекеттік қолдаудың барлық кешенін алатын, оның ішінде жеңілдетілген тәртіппен реттелетін сатып алуларға қатысатын "жалған өндірушілер" бар екені бәріне белгілі. Бұл ретте өндірісті дамытуға белгілі бір қаражат салынбайды, тек импорттық тауарға "Қазақстанда жасалған" белгісін жапсырады", – деді Олжас Бектенов.

Ол атап өткендей, қазір отандық тауар өндірушілердің бірыңғай және ашық тізілімі әзірленуде.

"Адами факторды және осы мәселеде сыбайлас жемқорлық тәуекелдерін болдырмау мақсатында біз цифрландыруды барынша пайдаланамыз. Компаниялардың қызметін ашық түрде талдау және нақты өндірушілерді анықтау үшін жұмыстар атқарамыз. Осылайша, нақты өндірушілер ғана мемлекет тарапынан толық қолдау мен қорғауға ие болады",-деді премьер-министр.

Бұған дейін Бектенов Қазақстандағы ірі кәсіпорындар үшін міндетті шартты атаған болатын.