Оңтүстік Кореяда президентті тұтқындау операциясы сәтсіз аяқталды

11:55, 4 қаңтар 2025

© Сурет: pixabay

Оңтүстік Корея тергеушілері биліктен кеткен президент Юн Сок Ёлді тұтқындауға әрекет жасады. Бірақ бұл операция сәтсіз аяқталды.

Себебі мемлекет басшысын ұстауға оның күзетшілері бірнеше сағат бойы қарсылық көрсеткен. Сонымен қатар, операцияны тоқтатуға тергеушілердің өміріне төнген қауіп себеп болды.

Юн желтоқсанның басында елде әскери жағдай жариялауға әрекет жасады. Сол шешімі үшін оған парламент импичмент жариялап, желтоқсанның 14-де президентті лауазымынан босатты.

Бірақ Юнды қызметінен нақты кетіру үшін импичментті Конституциялық сот мақұлдауы керек, деп жазады qazaqstan.tv.

Оппозиция Юнды төңкеріс жасамақ болды деп айыптады. Президент болса, бұны жоққа шығарып, қарсыластарын үкімет жұмысын тұралатуға әрекеттенді деп кінәлап отыр.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!