Қызылордалық тұрғын TikTok-та тікелей эфирде балағат сөз айтқаны үшін айыппұл арқалады

Қызылорда тұрғыны TikTok-та тікелей эфир кезінде балағат сөздер қолданғаны үшін әкімшілік жауапкершілікке тартылды, деп хабарлайды Zakon.kz.

Әлеуметтік желіге жүргізілген мониторинг барысында TikTok-тағы тікелей эфирлердің бірінде қолданушының бірнеше рет балағат сөз айтқаны анықталған.

Тексеру нәтижесінде құқық бұзушының Қызылорда қаласының 39 жастағы тұрғыны әрі тумасы Жұлдызай Құдайбергенова екені белгілі болды. Сот шешімімен оған айыппұл салынды.

Полиция мұндай құқық бұзушылықтарды анықтау үшін интернетке мониторинг тұрақты түрде жүргізілетінін атап өтті.