Күрестен Азия чемпионы Ережепов лауазымды қызметке тағайындалды

Мақсат Ережепов Қостанай облысы грек-рим, еркін және әйелдер күресі федерациясының президенті болды, деп хабарлайды Zakon.kz.

Бұл туралы 26 желтоқсанда Астанада өткен республикалық ұйымның конференциясында жария болды, деп жазады sportarena.kz.

Шешімді ұйым басшысы Дәулет Тұрлыхановтың өзі қабылдады. Бұған дейін спортшы Қостанайдағы Владимир Матвиенко атындағы балалар-жасөспірімдер олимпиадалық резерв мектебін басқарған.

• Мақсат Ережеповтың мансабындағы басты жетістіктері:
• кадеттер арасындағы Азия чемпионы (2007-69 кг);
• жасөспірімдер арасындағы Азия чемпионы (2010-74 кг);
• төрт Азия чемпионатының қола жүлдегері (2012 – 84 кг, 2013 – 74 кг, 2018 – 77 кг, 2019-82 кг);
• екі Азия чемпионатының финалисті (2014-71 кг, 2022-77 кг);
• Азия чемпионы (2017-75 кг),
• әскери қызметшілер арасында әлем чемпионатының қола жүлдегері (2018 – 77 кг).

Қазақстан Республикасының спорт шебері. Халықаралық кластағы спорт шебері. Азиада ойындарының қатысушысы (2014, 71 кг – сегізінші орын).

Бұған дейін Нью-Йоркте (АҚШ) рапид бойынша шахматтан әлем чемпионаты басталды. Бірінші ойын күнінен кейін Қазақстан әйелдер құрамасының көшбасшысы Бибісара Асаубаева әлемнің алғашқы 20 үздік шахматшылары тізімін түйіндеді.