Қолдарына матрас ұстаған студенттер әлеуметтік желіні шулатты

Әлеуметтік желіде алматылық студенттердің матрас көтеріп бара жатқан видеосының астына қазақстандықтар түрлі пікір қалдыруда, деп хабарлайды Zakon.kz.

Әдеттен тыс видео Threads әлеуметтік желісінде пайда болған. Ролик авторы bekenti_like оқиғаның Алматыда болып жатқанын атап өткен. Алайда кадрларда нақты не болып жатқаны түсініксіз.

Жаңа оқу жылының басталуына байланысты қазақстандықтар түрлі болжам жасады: біреулері студенттердің баспана таба алмай жүргенін айтса, енді бірі олардың үнемшілдігін сөз етті. Қалай болғанда да, видео көпшіліктің студенттік жылдарын еске алуына себеп болды:

— Біздің кезімізде Threads болмағаны қандай жақсы болған. Қыста кілемді үш қыз болып көтеріп жүретінбіз.

— Бұл — олардың өміріндегі ең бақытты кезеңі, олар мұны ешқашан ұмытпайды.

— Студенттік өмірдің қызығы да осында.

— Қандай сүйкімді!

Посмотреть эту публикацию в Instagram

Публикация от Krisp Almaty | Криспи Алматы (@krisp_almaty)

Алайда бұл қазақстандықтардың назарын аударған жалғыз видео емес. 2026 жылғы 1 қыркүйекте Алматы тұрғындарының бірі оқу жылының басталуына байланысты адамға лық толған метро кадрларымен бөлісті.

Белгілі болғандай, таңғы сағат 6:00-ден 15:00-ге дейін Алматы метрополитенінің қызметін шамамен 40 мың жолаушы пайдаланған.