Қазақстанның 12 қаласында қолайсыз метеорологиялық жағдай қалыптасады: «Қазгидромет» ескерту жасады

Синоптиктер 2026 жылғы 3 қарашада Қазақстанның бірқатар қаласында ауаның ластану деңгейі жоғарылайтынын ескертті, деп хабарлайды Zakon.kz.

"Қазгидромет" мәліметінше, 3 қарашада мына қалаларда қолайсыз метеорологиялық жағдай күтіледі:

• Қарағанды;
• Жезқазған;
• Балқаш;
• Теміртау;
• Орал;
• Атырау;
• Ақтөбе;
• Шымкент;
• Түркістан;
• Талдықорған;
• Алматы;
• Астана.

Қолайсыз метеорологиялық жағдайлар (ҚМЖ) – желсіздік, баяу жел, тұман, температуралық инверсия сияқты қысқа мерзімді метеорологиялық факторлардың үйлесуі. Мұндай жағдайлар атмосфералық ауаның жерге жақын қабатында зиянды (ластаушы) заттардың жиналуына ықпал етеді.

Сондай-ақ "Қазгидромет" РМК мамандары еліміздің бірқатар өңірінде дауылды ескерту жариялады. Кей жерлерде ауа температурасы -7 градусқа дейін төмендеп, қар жауып, көктайғақ болуы мүмкін.