Қазақстанға аптап ыстық қай елден келгені айтылды

2026 жылғы 9 шілдеде "Қазгидромет" РМК баспасөз қызметі Қазақстандағы аномальды ыстықтың себебін түсіндірді, деп хабарлайды Zakon.kz.

Синоптиктердің мәліметінше, бұған ыстық әрі құрғақ ауа массалары себеп болып отыр.

"Қазір Қазақстанда байқалып отырған және алдағы күндері де сақталатын аптап ыстық Иран аумағынан келетін ыстық әрі құрғақ ауа массаларының енуіне байланысты. Дәл осы ауа массалары елдің көптеген өңірінде ауа температурасының одан әрі көтерілуіне әсер етеді", – делінген "Қазгидромет" РМК баспасөз қызметінің хабарламасында.