Қазақстан жағажай волейболынан жасөспірімдер арасындағы әлем чемпионатында бақ сынайды

18:12, 9 шілде 2026

© Сурет: olympic.kz

Нидерландтың Гаага қаласында жағажай волейболынан жасөспірімдер арасында әлем чемпионаты басталды, деп хабарлайды Zakon.kz.

Қазақстан құрамасының атынан бұл турнирге ерлер арасында Әлихан Ағабек және Оразалы Сағыныш бақ сынайды. Олар "Е" тобында өнер көрсетіп, Эстония, Чили және Литва құрамаларымен кездеседі.

Ал әйелдер арасында Гаяна Галаш пен Мерей Қожахмет сынға түседі. Олар "G" тобында өнер көрсетіп, Латвия, Венесуэла және Канада командаларына қарсы ойнайды.

Айта кетейік, әлем біріншілігі 12 шілдеге дейін жалғасады.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!