Қазақстандықтарға Бурабайға, Балқаш пен Алакөлге көлікпен қалай жайлы жетуге болатындығы айтылды

ҚР Көлік министрлігі 2026 жылғы 2 маусымда жол нұсқаулығын ұсынды. Онда негізгі туристік бағыттарға көліктік қолжетімділігі жайлы ақпарат берілген, деп хабарлайды Zakon.kz.

Атап айтқанда, Бурабай курорттық аймағына кіру Щучинск қаласы арқылы "Астана – Петропавл" автомобиль жолымен жүзеге асады, бұл жол курорттық аймаққа кірудің негізгі және барынша ыңғайлы бағыты болып табылады.

Зеренді ауылына кіру "Көкшетау – Атбасар" бағытымен, сондай-ақ "Щучинск – Зеренді" автомобиль жолымен қамтамасыз етілген. Бұл жол Ақмола облысының шипажай аумақтарын – Бурабай мен Зерендіні тікелей байланыстырады.

Қарқаралы курорттық аймағына өткен жылы жөндеуден өткен "Қарағанды – Қарқаралы" республикалық маңыздағы автомобиль жолымен жетуге болады. Осының арқасында жол жақсы жағдайда, қауіпсіз әрі жайлы қозғалысты қамтамасыз етеді.

Баянауыл шипажайы Павлодар мен Қарағанды облыстарын байланыстыратын республикалық маңызы бар "Қалқаман – Баянауыл – Ботақара" автомобиль жолының бойында орналасқан.

Балқаш көліне автокөлікпен екі жолмен жетуге болады.

Алакөлге екі негізгі қозғалыс бағыты ұйымдастырылған: солтүстік жағалауға "Талдықорған – Өскемен" автомобиль жолынан "Таскескен – Бахты" жолы, одан әрі "Мақаншы – Қабанбай" маршруты бойынша кіруге болады. Ал көлдің оңтүстік жағалауына "Талдықорған – Өскемен" автомобиль жолынан соңғы жылдары реконструкциядан өткен және курорттық аймақпен сенімді көліктік байланысты қамтамасыз ететін "Үшарал – Достық" автожолы апарады.

Бұған дейін Жамбыл облысындағы бірнеше жолда жаңа жылдамдық режимі енгізілетіндігін жазғанбыз.