Қазақстандық олимпиадашы Германия кубогының жартылай финалында өнер көрсетті

Қазақстандық спортшы Кирилл Герасименко Германияның Ной-Ульм қаласында үстел теннисінен Германия кубогының "Төрттік финал" ойындарына қатысты, деп хабарлайды Zakon.kz.

ҚР ҰОК мәліметінше, жүлде үшін "Либхерр" (Оксенхаузен), "ТТ" (Саарбрюккен), "ТТС" (Бад-Хомбург) және Қазақстан атынан сынға түсетін Кирилл Герасименко ойнайтын "Вердер" (Бремен) командалары бақ сынады.

Жартылай финал

• "Либхерр" — "ТТС" — 3:1
• "Вердер" — "ТТ" — 1:3
• Маттиас Фальк — Патрик Франциска 0:3
• Марсело Агирре — Дарко Йоргич 1:3
• Кирилл Герасименко — Юто Мурамацу 3:0
• Маттиас Фальк — Дарко Йоргич 0:3.

Финал

• "Либхерр" — "ТТ" — 3:1

Герасименко — Қазақстанның үздік теннисшісі, ел біріншілігінің бірнеше дүркін чемпионы және үш Олимпиаданың қатысушысы (2016, 2020, 2024).

Бұған дейін шпагамен семсерлесуден әлем кубогы кезеңінде қазақстандық құраманың күміс жүлдені жеңіп алғандығы хабарланған болатын.