Қазақстандағы бір қала үш айға жуық ыстық сусыз қалады

"Жайықжылуэнерго" АҚ Орал қаласындағы Құрылысшы шағынауданында ыстық су беру уақытша тоқтатылатынын хабарлады.

Mgorod.kz мәліметінше, коммуналдық қызмет мамандары жаңа жылыту маусымына дайындық жүргізіп жатыр. Осыған байланысты №28 және №33 жылу пункттерінен тартылған орамішілік жылу желілерін қайта жаңғырту жұмыстары аясында бірқатар мекенжайда ыстық су өшіріледі.

Шектеулер 2026 жылғы 8 маусым мен 31 тамыз аралығында күшінде болады.

Ыстық су келесі мекенжайларда уақытша тоқтатылады:

Құрылысшы шағынауданы: №2/2, 29, 30, 33, 33/1, 34, 35, 36, 37, 38, 39 үйлер;

Циолковский көшесі: №6, 6/1, 8, 10, 10/1, 12, 18, 18/1 үйлер;

Матросов көшесі, №170;

№5 жалпы орта білім беретін мектеп;

№9 жалпы орта білім беретін мектеп.

"Жайықжылуэнерго" АҚ қала тұрғындарынан уақытша қолайсыздықтар үшін кешірім сұрап, ауқымды жөндеу жұмыстарына түсіністікпен қарауды өтінді.