Қазақстанда сирек кездесетін алабарыс фототұзаққа түсіп қалды

Маңғыстау облысы Үстірт қорығындағы фототұзаққа сирек кездесетін алабарыс түсіп қалды, деп хабарлайды Zakon.kz.

Орман шаруашылығы және жануарлар дүниесі комитетінің ақпаратынша, қабыланның бұл түрі Халықаралық табиғатты қорғау одағының критерийлері бойынша жойылып кету қаупі бар деп танылған. Бұл түр Қазақстан Республикасының Сирек және жойылып кету қаупі бар түрлер тізіміне 2021 жылдың сәуірінде енгізіліп, Қазақстанның Қызыл кітабына кіргізілген.

"Қызықты факт: Алабарыстың терісінің түсі аймаққа байланысты өзгеруі мүмкін. Басқа қабылан түрлерінен айырмашылығы, алабарыстар ашықтау күңгірт түске ие, бұл оларға өмір сүретін құрғақ әрі тасты ландшафттармен жақсырақ үйлесуге көмектеседі. Бұл бейімделген камуфляж олардың табиғат жағдайларында жыртқыштар мен олжалардан тиімді жасырынуына мүмкіндік береді",- делінген ведомство хабарламасында.

Ал, мамыр айында Түркістан облысындағы фототұзаққа бірден екі қар барысы ілікті.