Каспийден суды тазартуға көмектесетін ерекше ұлудың түрі табылды

14:39, 7 тамыз 2026

MKZ: 1560179

© Сурет: pixabay

Каспий теңізінен суды табиғи жолмен тазартуға көмектесетін ерекше ұлудың түрі табылды, деп хабарлайды Zakon.kz.

Бұл туралы 2026 жылғы 7 тамызда "Ақжайық" мемлекеттік табиғи резерватының мамандары мәлімдеді.

"Ақжайық" мемлекеттік табиғи резерваты – Атырау облысының Махамбет ауданында және Атырау қаласының маңында, Жайық өзені Каспий теңізіне құятын аумақта орналасқан Қазақстандағы бірегей биосфералық табиғи аумақ.

"Жайық сағасы мен Каспий жағалауының биоалуантүрлілігін сараптау барысында Каспийге ғана тән эндемик ұлу – Pyrgohydrobia conica анықталды",- деп атап өтті мамандар.

Белгілі болғандай, бұл кішкентай бауыраяқты моллюск қамысты, лайлы-құмды таяз суларда тіршілік етеді және су экожүйесінің экологиялық жағдайын көрсететін маңызды индикатор болып саналады.

Посмотреть эту публикацию в Instagram

Публикация от "Ақжайық" МТР РММ/РГУ ГПР "Акжайык" (@akzhaiyk_oopt)

"Өлшемі шағын болғанымен, ол органикалық қалдықтар мен балдырларды тұтынып, судың табиғи тазаруына үлес қосады әрі балықтар мен су құстары үшін маңызды қорек көзі болып табылады",- деді резерват өкілдері.

Бұған дейін маймылдың жаңа түрі табылғанын жазғанбыз.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!