Ғалия Тынбаева дзюдодан Азия чемпионатында қола медаль иеленді

Дзюдодан Гонконгта өтіп жатқан Азия чемпионатында Қазақстан қоржынына алғашқы медаль түсті, деп хабарлайды Zakon.kz.

Ұлттық олимпиада комитетінің хабарлауынша, әйелдер арасында 48 келі салмақтағы қола медальға Ғалия Тынбаева мен Абиба Әбужақынова таласқан болатын.

Кездесуде Тынбаева жеңіске жетіп, құрлық додасында үздік үштікке енді.

Ал биылғы маусымда қатысқан барлық жарысында жүлде алған Абиба Әбужақынова Азия чемпионатын бесінші орынмен аяқтады.

Алда тағы үш татами шебері қола медальға таласатын болады.