Францияда құрғақшылыққа байланысты дағдарысқа қарсы штаб құрылды

Ауа райы болжамына сәйкес, құрғақшылық тағы екі аптаға созылуы мүмкін. Францияда соңғы онжылдықтардағы нағыз құрғақшылық шілде айында тіркелді, деп хабарлайды Zakon.kz.

Франция үкіметі тарихта көптен бері алғаш тіркелген қатты құрғақшылықпен күресу үшін дағдарысқа қарсы штаб құрды әрі жағдай нашарлауы мүмкін екенін ескертті, деп хабарлайды Bloomberg.

Ведомствоаралық топ ең көп зардап шеккен аудандарды сумен жабдықтауды үйлестіріп, құрғақшылықтың энергия өндірісі мен ауылшаруашылығына әсерін бақылайды, деп мәлімдеді Премьер-министр Элизабет Борн.

Сондай-ақ билік адамдарды суды үнемдеуге шақырып, қажет ететін аумақта шектеулер енгізілетінін айтты. Үкімет Денсаулық сақтау, қауіпсіздік және ауыз сумен қамтамасыз ету қажеттіліктеріне басым көңіл бөлуге ниетті.

Көктемнен кейін орын алған қатты құрғақшылық салдарынан туындаған жағдай 96 департаменттің 93-інде сумен жабдықтау жүйесінде шектеулер енгізуге әкеліп соқты. 100-ден астам қала ауыз сусыз қалды. Суды үнемдеу шараларына ауылшаруашылық жерлерін суаруға тыйым салуды да қамтыды.

Биылғы құрғақшылық - ең күштісі. Жауын-шашынның болмауы булану мен суға деген қажеттілікті арттыратын жылу толқындарының жинақталуын күшейтеді. Элизабет Борн

Франция суды қоры таусылған қалаларға жеткізіп жатыр. Жиналып алынатын жүгері көлемі ыстық және құрғақ ауа райына байланысты 19%-ға төмендеуі мүмкін, деп мәлімдеді елдің ауыл шаруашылығы министрлігі.