Дәулет Тұрлыханов қызметінен айырылды

ҚР Парламенті Мәжілісінің депутаты Дәулет Тұрлыханов Азия күрес одағының (UWW Asia) президенті қызметінен айырылды, деп хабарлайды Zakon.kz.

Бұл туралы ұйымның Instagram желісінде 2025 жылдың 24 наурызында белгілі болды.

Ақпаратқа сәйкес, Дәулет Тұрлыхановтың орнына 38 ықтимал дауыстың 34-ін жинаған Мұхаммед Әл-Авамала келді. Иорданиялық бұл қызметті 2028 жылға дейін атқаратын болады. Сайлау Иорданияның астанасы Амманда өтті.

Естеріңізге сала кетейік, Дәулет Тұрлыханов 2023 жылдың 28 наурызынан бері VIII сайланған Қазақстан Республикасы Парламенті Мәжілісінің депутаты болды.