Дастан Рыспеков Ұлытау облысының әкімі лауазымына тағайындалды
© Сурет: primeminister.kz
Мемлекет басшысы Қасым-Жомарт Тоқаев Ұлытау облысының жаңа әкімін тағайындады. Бұл қызметке Дастан Рыспеков лайықты деп танылды, деп хабарлайды Zakon.kz.
Тиісті құжатты Ақорданың баспасөз қызметі 2024 жылғы 9 қазанда жариялады.
"Мемлекет басшысының Жарлығымен Дастан Адайұлы Рыспеков Ұлытау облысының әкімі лауазымына тағайындалды", — деп жазылған ресми құжатта.
Рыспеков Дастан 1984 жылы Қарағанды облысында дүниеге келген.
Әл-Фараби атындағы Қазақ Ұлттық университетін және ҚазМЗУ Алматы заң академиясын тәмамдаған.
Еңбек жолын 2006 жылы Алматы қаласындағы Экономика және бюджетті жоспарлау департаменті түсімдерді болжау бөлімінің бас маманы ретінде бастаған.
2007-2016 жылдары Алматы қаласында Экономика және бюджеттік жоспарлау департаментінде, Алматы қаласы бойынша Тексеру комиссиясында, республикалық бюджеттің атқарылуын бақылау жөніндегі есеп комитетінде басшылық лауазымдарда жұмыс істеді.
2016-2018 жылдары — "Астана ЭКСПО-2017" ҰК" бухгалтерлік есеп және есептілік департаментінің директоры – бас бухгалтері.
2018-2019 жылдары — Павлодар облысы Кәсіпкерлік, сауда және туризм басқармасының басшысы.
2019 жылдың сәуір айынан бастап "Астана ЭКСПО-2017" ҰК" АҚ Экономика және бюджетті жоспарлау департаментінің директоры қызметін атқарды.
2020 жылдан бастап қазіргі уақытқа дейін Мәдениет және спорт министрлігі Туризм индустриясы комитетінің төрағасы болып жұмыс істеді.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
11:10, 9 қазан 2024
Елімізде 4 мыңнан астам науқас ағза ауыстыруға мұқтаж
-
10:58, 9 қазан 2024
Биыл Абай облысында балалардың қатысуымен 200-ден астам жол-көлік оқиғасы болды
-
10:47, 9 қазан 2024
Конго Демократиялық Республикасында маймыл шешегін жұқтырғандар саны 30 мыңнан асып кеткен
-
10:35, 9 қазан 2024
Соңғы 5 жылда алғаш рет Аралға су жіберу жоспары 100%-ға жуық орындалды
-
10:19, 9 қазан 2024
Алматы әкімі Ерболат Досаев Халықаралық әуежайдың қызметіне қатысты кеңес өткізді