БЖЗҚ қаржысы салынған Әзербайжан банкі қарызын 15 жыл ішінде төлейді
Әзербайжан банкі Қазақстанға қарызын 15 жыл мерзім ішінде төлейтін болды, деп хабарлайды «ҚазАқпарат».
«Жалпы айтқанда біз бұл ақшаны жоғалтқан жоқпыз. Егер банк, шынында да, банкротқа ұшыраса немесе қарыздың қайта өзгеріспен төленуін несие берушілердің басым көпшілігі қолдамағанда ақшаны жоғалту қаупі туындайтын еді. Бүгінгі таңда банктің бұл облигациялары Әзербайжанның дербес облигацияларына ауыстырылған. Қорытындысында 3,5 пайыздық мөлшеремемен 250 млн АҚШ доллар ақшаның қайтарымы 15 жылға ұзартылды. Бұл қағаздар өтімді болып табылады», - дейді ҚР Қаржы министрі Бақыт Сұлтанов Парламент Мәжілісінің отырысында.
Оның айтуына қарағанда, қазақстандықтар үшін жоғарыда айтылған қаражат жоғалды деу артық әңгіме.
«Біз қаржыны жоғалттық деп айтуға болмайды. Иә, айырмашылық бар. Бірақ негізгі соманы біз жоғалтқан жоқпыз», - дейді ол.
Еске сала кетейік, Қазақстанның бірыңғай жинақтаушы зейнетақы қоры 71,3 млрд теңге инвестиция салған Әзербайжанның халықаралық банкі банкротқа ұшырау туралы сотқа өтініш берген еді. Қазіргі кезде аталған қаржы мекемесі сыртқы қарыз бойынша төлем жүргізуді тоқтатып, несие берушілермен банктің құрылымын қайта өзгерту бойынша келіссөз жүргізіп жатыр. Қаржылық проблема Әзербайжанның ұлттық валютасының девальвациясы мен мұнай бағасының құлдырауы салдарынан туындаған еді.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:48, 26 сәуір 2024
Сәл болмағанда жарылыс бола жаздады: Алматының шығыс айналма жолындағы өрт
-
13:37, 26 сәуір 2024
Қырғызстанда шенеуніктерге тойға баруға тыйым салынды
-
13:09, 26 сәуір 2024
Ақтөбеде су тасқыны салдарынан екі көпір жүруге жарамсыз болып қалды
-
13:09, 26 сәуір 2024
Ақтөбеде су тасқынынан кейін екі көпір жүруге жарамсыз болып қалды
-
12:38, 26 сәуір 2024
Қызылордада медицина саласының қызметкерлері экологиялық акцияға белсенді атсалысты