Бүгін еліміздің төрт қаласында ауа сапасы нашарлайтыны ескертілді

"Қазгидромет" РМК 20 сәуірде Қазақстан қалаларындағы ауа сапасы қалай болатынын айтып, өз болжамын жариялады, деп хабарлайды Zakon.kz.

Синоптиктердің болжамынша, 20 сәуірде ауаның ластануына байланысты Ақтөбе, Астана, Алматы, Павлодар қалаларында қолайсыз метеорологиялық жағдайлар туындауы мүмкін.

Мұндай ауа райы кезінде:

• көшеде, әсіресе, тасжолдардың бойында жүруді азайту керек;
• балалар мен жүкті әйелдер ұзақ уақыт серуендемегені жөн;
• созылмалы өкпе, жүрек-қан тамырлары, аллергиямен ауыратын адамдар дәрі-дәрмегін өзімен бірге алып жүруі тиіс;
• таза ауадағы физикалық белсенділікті шектеңіз;
• дене шынықтыру және спорттық іс-шараларды жабық спорт кешендерінде өткізу керек.