Бибісара Асаубаева Үндістандағы жарыста жеңіліп қалды

10:45, 9 қыркүйек 2026

MKZ: 1565915

© Сурет: Kazchess

Қазақстан әйелдер шахмат құрамасының көшбасшысы Бибісара Асаубаева Үндістанның Бангалор қаласында өтіп жатқан Tech Mahindra Global Chess League-2026 командалық турнирінің алғашқы алты турында бірде-бір жеңіске жете алмады, деп хабарлайды Zakon.kz.

Sportarena.kz мәліметінше, FYERS American Gambits командасы сапында өнер көрсетіп жүрген қазақстандық шахматшының еншісінде төрт тең ойын және екі жеңіліс бар.

Ол әйелдер тақтасындағы көшбасшының сәтсіз нәтижелеріне қарамастан, оның командасы Өзбекстан өкілі Жавохир Синдаров пен үндістандық Арджун Эригайсидің сәтті өнер көрсетуінің арқасында турнирдегі күресін жалғастырып жатыр.

Жарыстың алғашқы кезеңінде Асаубаева ресейлік Екатерина Лагно және қытайлық Чжу Цзиньэрмен тең түсті. Кейін Полина Шуваловаға есе жіберіп, Дивья Дешмухпен тең ойнады.

Одан кейін қазақстандық шахматшы үндістандық Харика Дронаваллимен тең түсті. Сол ойын күніндегі қарымта партияда Екатерина Лагнодан тағы да жеңілді.