«Барселона» Испания чемпионатындағы маусымын ірі жеңіспен бастады

2026 жылғы 22-23 тамызда Испания чемпионатының екінші турының бірнеше матчы өтті. Алғашқы турды өткізіп алған Ла Лиганың қазіргі чемпионы "Барселона" сырт алаңда "Эльчені" 5:0 есебімен ойсырата жеңді, деп хабарлайды Zakon.kz.

"Мартинес Валеро" стадионында өткен матч алаң иелері үшін ауыр жеңіліспен аяқталды. "Эльче" қақпашысы Марко Дмитрович бес рет өз қақпасынан доп алып шықты.

Бұл кездесуде "Барселонаның" жаңадан қосылған ойыншылары өздерін жақсы қырынан көрсетті. Ал голдарды каталондық клубтың тәжірибелі футболшылары соқты. Рафинья мен Фермин дубль жасады.

Тағы бір голды Карим Адейеми соқты. Сондай-ақ ағылшындық Энтони Гордонның екі нәтижелі пас бергенін атап өткен жөн.