Астанада шорт-тректен Қазақстан іріктеу чемпионаты басталды

Бүгін, 15 қыркүйекте Астанада шорт-тректен Қазақстан чемпионаты басталды, деп хабарлайды Zakon.kz.

Бұл жарыс 2026/27 жылғы маусымға арналған ұлттық құрама сапына іріктеу кезеңдерінің бірі.

Қазақстан чемпионатының қорытындысы бойынша Әлем кубогы кезеңдері мен әлем чемпионатында ел намысын қорғайтын спортшылар анықталады.

Жарыс жолына еліміздің шорт-тректен көшбасшы спортшыларының басым бөлігі шығады. Бәсекелер "Алау" мұз сарайында өтіп жатыр.

Айта кетейік, ел чемпионаты 18 қыркүйекте мәресіне жетеді.