Астанада, Алматыда және Қазақстанның бірнеше өңірінде ауа райына байланысты ескерту жасалды

"Қазгидромет" РМК синоптиктері ертең, 17 желтоқсанда Астанада, Алматыда және тағы бірнеше өңірде қолайсыз ауа райына байланысты ескерту жасады, деп хабарлайды Zakon.kz.

Атырау облысының солтүстігінде, оңтүстігінде, шығысында көктайғақ. Оңтүстік-батыстан жел соғады, түнде облыстың шығысында екпіні 15-20, күндіз 17-22 м/с-ке жетеді. Атырауда түнде көктайғақ. Оңтүстік-батыстан жел соғады, күндіз екпіні - 15-20 м/с.

Ақтөбе облысының батысында, солтүстігінде, шығысында бұрқасын. Облыстың батысында, солтүстістігінде көктайғақ. Оңтүстіктен, оңтүстік-шығыстан жел соғады, облыстың батысында, солтүстігінде, шығысында екпіні 15-20 м/с болады. Ақтөбеде бұрқасын. Оңтүстіктен, оңтүстік-шығыстан жел соғады, түнде екпіні - 15-20 м/с.

Маңғыстау облысының батысында көктайғақ. Облыстың батысында, солтүстігінде тұман түседі. Оңтүстік-шығыстан жел соғады, күндіз облыстың батысында, орталығында екпіні 15-20 м/с-ке жетеді. Ақтауда күндіз көктайғақ.

Алматы облысының оңтүстігінде, таулы аудандарында кей уақыттарда тұман түседі. Түнде облысының солтүстігінде, таулы аудандарында 25-26 градус қатты аяз болады.

Алматыда түнде кей уақыттарда тұман түседі.

Қостанай облысының батысында, солтүстігінде, орталығында бұрқасын. Оңтүстіктен жел соғады, күші 15-20, облыстың солтүстік жартысында екпіні 23-28 м/с-ке жетеді. Қостанайда жаяу бұрқасын. Оңтүстіктен жел соғады, күші 15-20, түнде екпіні 23 м/с болады.

Ақмола облысында оңтүстіктен жел соғады, күші 15-20, күндіз облыстың батысында, солтүстігінде екпіні 23 м/с-ке жетеді. Көкшетауда оңтүстіктен жел соғады, күші - 15-20 м/с.

Батыс Қазақстан облысында көктайғақ. Облыстың батысында, солтүстігінде, шығысында жаяу бұрқасын. Жел оңтүстік-батыстан, оңтүстіктен соғады, екпіні 15-20 м/с болады. Оралда көктайғақ, жаяу бұрқасын. Жел оңтүстік-батыстан, оңтүстіктен соғады, екпіні - 15-20 м/с.

Абай облысының шығысында, оңтүстігінде тұман түседі. Жел оңтүстік-шығыстан соғады, күндіз облыстың оңтүстігінде, орталығында екпіні 15-20 м/с-ке жетеді.

Шығыс Қазақстан облысының солтүстігінде, шығысында тұман түседі.

Астанада оңтүстіктен жел соғады, екпіні - 15-20 м/с.

Солтүстік Қазақстан облысының батысында, солтүстігінде, шығысында жаяу бұрқасын. Оңтүстіктен жел соғады, күші 15-20 м/с, облысының батысында, солтүстігінде, оңтүстігінде екпіні 23-28 м/с болады. Петропавлда күндіз жаяу бұрқасын. Оңтүстіктен жел соғады, күші 15-20 м/с, екпіні 23 м/с болады.

Жетісу облысының таулы аудандарында тұман түседі. Солтүстік-шығыстан жел соғады, облыстың шығысында, таулы аудандарда екпіні 15-20, Алакөл көлдері аудандарында кей уақыттарда 23-28 м/с-ке жетеді. Түнде облыстың шығысында, орталығында, таулы аудандарында 25-28 градус қатты аяз болады. Талдықорғанда түнде 25 градус қатты аяз.

Жамбыл облысының оңтүстігінде, таулы аудандарында тұман. Солтүстік-шығыстан соғатын жел оңтүстік-батыс желіне ауысады, облыстың оңтүстік-батысында, солтүстік-шығысында, таулы аудандарында екпіні 23-28 м/с-ке жетеді. Таразда кей уақыттарда тұман түседі.

Қызылорда облысында жел оңтүстік-шығыстан, оңтүстіктен соғады, түнде облыстың солтүстігінде күші 15-20 м/с болады.