Алматыдағы ауаның негізгі ластану көзі қандай

13:55, 18 желтоқсан 2024

© Фото: Zakon.kz/Павел Михеев

Алматыда ауаның лас екені бәріне белгілі. Әкімдік осы мәселемен күрес барысында қандай амалдар қолдануда. Толығырақ Zakon.kz ақпаратында.

Ерболат Досаев ОКҚ алаңында өткен баспасөз мәслихатында, атмосфералық ауаның сапасын жақсарту – әкімдік жұмысының күн тәртібіндегі маңызды мәселелердің бірі болып қала беретіндігін мәлімдеді.

"Бүгінгі таңда ауаны ластаушы заттардың 60%-і автокөлікке тиесілі",- деді қала әкімі.

Ол осы мақсатта қала тұрғындарын қоғамдық көлікке көшуге ынталандыруға, оның тиімділігін қамтамасыз етуге бағытталған жұмыстар жүргізіліп жатқанын айтты.

"Осы шаралардың нәтижесінде 2024 жылы қоғамдық көліктегі жолаушылар саны 33%-ке артып, күніне 1,6 млн жолаушыға дейін рекордтық көрсеткішке жетті".Ерболат Досаев

2024 жылы экологияландыру мақсатында 770 газ және 115 электр автобусы сатып алынды.

Бұған дейін Алматы әкімдігі метрополитенді дамыту үшін халықаралық қаржы институттарымен келіссөздер жүргізуде екені хабарланған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!