Алматыда танымал болмақ болған жігіт 15 тәулікке қамалды

Әлеуметтік желіде танымал болуды көздеген алматылық заң бұзып, ақыры полицияға жеткізілді. Ол шлагбаумды сындырып, кейін қоғамдық орында дәрет сындырған, деп хабарлайды Zakon.kz.

Оқиға түсірілген бейнежазба әлеуметтік желілерде тарап, полицияның назарына ілікті.

Алматы полиция департаментінің мәліметінше, азаматтардан ешқандай арыз түспегеніне қарамастан, Алмалы аудандық полиция басқармасының қызметкерлері жарияланған видеоны өз бастамасымен тексеріп, оқиғаға қатысы бар адамдарды анықтап, оларды полиция бөлімшесіне жеткізген.

Сот шешімімен құқық бұзушы кінәлі деп танылып, 15 тәулікке әкімшілік қамауға алынды.

Алматы полициясы әлеуметтік желіде танымал болу мақсатында заң бұзудың жауапкершіліктен құтқармайтынын ескертті.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

"Әлеуметтік желіде танымал болу үшін заңды бұзу ешқашан жауапкершіліктен құтқармайды. Мұндай әрекеттердің соңы міндетті түрде заң алдында жауап берумен аяқталады", – деп мәлімдеді полиция.