Алматы – Екатеринбург автожолында 53 жолаушы эвакуацияланды

Бүгін, 10 желтоқсанда Алматы – Екатеринбург автожолында Сарышаған кентінен 5 шақырым жерде жолаушылар автобусы бұзылып қалды, деп хабарлайды Zakon.kz.

ТЖМ қызметкерлері автобустан жақын маңдағы жылыту пунктіне 53 жолаушыны эвакуациялады.

"Эвакуацияланғандар - Өзбекстан Республикасының азаматтары", - деп хабарлады Төтенше жағдайлар министрлігі.

Олар медициналық көмекке мұқтаж болмаған.

Еске салайық, бұған дейін 10 желтоқсанға қараған түні Төтенше жағдайлар министрлігінің құтқарушылары автобустағы 41 жолаушыны эвакуациялаған еді.