Ақтауда бортсерікпен жанжалдасқан ер адамға үкім шықты

Ақтау қаласының әкімшілік құқық бұзушылықтар жөніндегі мамандандырылған соты ұсақ бұзақылық фактісі бойынша әкімшілік істі қарады, деп хабарлайды Zakon.kz.

Сотпен анықталғандай, 2025 жылғы 20 сәуірде сағат 00:10 шамасында Ақтау қаласының әуежайында,ұшақ бортында қоғамдық тәртіпті бұзып, ұшақтың борт серігімен жанжалдасып, айналасындағыларға сыйламаушылық танытып, қоғамға жат мінез-құлық көрсете отырып, ұсақ бұзақылық әрекетін жасаған.

Сот отырысында азамат өз кінәсін толық мойындап, жасаған әрекетіне өкінетінін және оның асырауында 5 баласының барын ескеріп, айыппұл түріндегі жаза тағайындауды сұрады.

"Сот қаулысымен К. ӘҚБтК-нің 434-бабының 1-бөлігінде көзделген әкімшілік құқық бұзушылық жасағаны үшін кінәлі деп танылып, оған 55 048 теңге мөлшерінде әкімшілік айыппұл тағайындалды",- деп үкім кесті сот.

Қаулы заңды күшіне енген жоқ.

Бұған дейін Ақтөбе облысындағы әкімдердің бірі жанжалдың дәп ортасына іліккендігі хабарланған болатын.