Ақмола облысында 8,4 млн теңге ұрлаған күдікті анықталды

17:19, 12 сәуір 2025

© Сурет: polisia.kz

2 сәуірде Ақмола облысының полиция департаментіне жергілікті кәсіпкерден өтініш түсті. Ер адам сауда үйінің жалға алынған үй-жайынан бірнеше рет ақша қаражаттары мен тауарлық-материалдық құндылықтарының ұрланғанын хабарлады. Жалпы шығын 8,4 миллион теңгені құрады, деп хабарлайды Zakon.kz.

Тергеу барысында 3-12 наурыз аралығында сауда үйінің бейнебақылау камераларының электр қуатының үзілуіне байланысты мезгіл-мезгіл өшіп тұрғаны анықталды. Сонымен қатар көрші ғимараттардың бейнебақылау камералары тексерілгенде, ғимаратқа бірнеше рет кірген жергілікті тұрғынның бейнесі тіркелген.

Жедел-іздестіру іс-шаралары барысында күдікті анықталып, оның оқиғаға қатысы бар-жоғы тексерілуде. Қазіргі уақытта сотқа дейінгі тергеу жалғасып жатыр.

"Кәсіпкерлерге осындай қылмыстардың алдын алу мақсатында үлкен сомаларды сақтау үшін сенімді құлыптары бар сейфтерді қолдану, қолма-қол ақшаны түнде кассада қалдырмау, сондай-ақ қауіпсіздік жүйесін үнемі тексеріп отыру ұсынылады. Егер қажет болса, кәсіпкерлер қауіпсіздік қызметімен келісімшарт жасасқан абзал", - делінген хабарламада.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!