Ай мен Шолпан Көк Төбе төрінде: Алматы аспанындағы ғажайып көрініс

Алматылық танымал фотограф Дмитрий Доценко 2026 жылғы 14 қыркүйек кешінде жас Айдың Шолпанға жақындаған сәтін түсіріп, әсерлі кадрларды Instagram-дағы парақшасында бөлісті, деп хабарлайды Zakon.kz.

Доценконың айтуынша, бұл – биылғы жылы Шолпан мен Айдың бір-біріне ең жақын орналасқан сәті. Кейбір елдерде тіпті Ай Шолпанды толық жауып қалған.

"Алматыда олар кешкі аспанда тоғысты. Бұл құбылысты қаламыздың символы – Көк Төбе телемұнарасы аясында түсіру үшін арнайы нүктені есептеп таңдадым. Өте әдемі, тіпті сиқырлы көрінді", – деді Дмитрий Доценко.

Посмотреть эту публикацию в Instagram

Публикация от Дмитрий Доценко / Фотограф Алматы (@dots_foto)

Суретті көрген желі қолданушылары да өз әсерлерін бөлісті:

• Дағыстан тауларында да жақсы көрінді.
• Шедевр! Әдеттегідей.
• Керемет түсірілім.
• Сөзбен айтып жеткізгісіз! Бірде мұны көзбен көру бақыты бұйырған еді. Есте қалыпты.
• Мен де кеше көрдім, бірақ оның Шолпан екенін білмедім.
• Дәл сол уақытта ұшақта ұшып бара жатқан едім, өте әдемі болды, – деп жазды пікір қалдырушылар.