21–23 қарашада Алматыда күн +17°C-қа дейін, Шымкентте +22°C-қа дейін жылынады
© Фото: unsplash
"Қазгидромет" синоптиктері 2026 жылғы 21–23 қарашаға Астана, Алматы және Шымкент қалалары бойынша ауа райы болжамын жариялады. Алдағы үш күнде Алматыда ауа температурасы +17°C-қа дейін, Шымкентте +22°C-қа дейін көтеріледі, деп хабарлайды Zakon.kz.
Астанада күндіз ауа температурасы +6°C-қа дейін көтерілгенімен, жаңбыр мен қар жауады. Шымкентте кей күндері жаңбыр жауып, найзағай ойнайды. Алматыда үш күн бойы жауын-шашын болмайды.
Астана
21 қарашада күн ала бұлтты болады, жауын-шашын жаумайды. Арагідік тұман түсіп, көктайғақ болады. Оңтүстік бағыттан соғатын желдің жылдамдығы 3–8 м/с. Ауа температурасы түнде −6…−4°C, күндіз +4…+6°C болады.
22 қарашада күн ала бұлтты, күндіз жаңбыр жауады. Оңтүстік-батыстан 9–14 м/с жылдамдықпен жел соғады. Түнде ауа температурасы −2…0°C, күндіз +4…+6°C болады.
23 қарашада күн ала бұлтты болады. Түнде жаңбыр мен қар, күндіз жаңбыр жауады. Арагідік тұман түсіп, көктайғақ болады. Оңтүстік-батыстан соғатын желдің жылдамдығы 9–14 м/с. Ауа температурасы түнде +2°C, күндіз +3…+5°C болады.
Алматы
21 қарашада күн ала бұлтты болады, жауын-шашын жаумайды. Жел оңтүстік-шығыстан 3–8 м/с жылдамдықпен соғады. Ауа температурасы түнде +4…+6°C, күндіз +14…+16°C болады.
22 және 23 қарашада да күн ала бұлтты, жауын-шашынсыз болады. Оңтүстік-шығыстан соғатын желдің жылдамдығы 3–8 м/с. Түнде ауа температурасы +5…+7°C, күндіз +15…+17°C болады.
Шымкент
21 қарашада күн ала бұлтты болады. Күндіз мезгіл-мезгіл жаңбыр жауып, найзағай ойнайды. Оңтүстіктен 8–13 м/с жылдамдықпен жел соғады, екпіні 15–20 м/с-қа жетеді. Ауа температурасы түнде +9…+11°C, күндіз +18…+20°C болады.
22 қарашада күн ала бұлтты, жауын-шашынсыз болады. Оңтүстік-шығыстан соғатын желдің жылдамдығы 8–13 м/с. Ауа температурасы түнде +8…+10°C, күндіз +18…+20°C болады.
23 қарашада күн ала бұлтты болады. Күндіз жаңбыр жауып, найзағай ойнайды. Жел оңтүстік-шығыстан 8–13 м/с жылдамдықпен соғады. Түнде ауа температурасы +8…+10°C, күндіз +20…+22°C болады.
20 қарашада "Қазгидромет" Қазақстанның 10 қаласында ауа райы ауаның ластануына қолайлы жағдай туғызатынын ескерткен еді.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
16:56, 20 қараша 2026
Қазақстандықтар 2026 жылы қандай мақсатта несие алуда – Ұлттық банк
-
16:51, 20 қараша 2026
БҚО-да 50-ге жуық заңсыз қоқыс орны анықталды
-
16:40, 20 қараша 2026
Семейде полицейлер мас күйде көлік жүргізген екі жүргізушіні тоқтатты
-
16:34, 20 қараша 2026
Қасым-Жомарт Тоқаев ауыл шаруашылығы еңбеккерлерін марапаттады
-
16:26, 20 қараша 2026
ҰҚК-нің әскери және арнаулы оқу орындарына ауысу тәртібі өзгерді





