Кеңес Рақышев ақылды көзілдірік жасауға 3 млн доллар инвестиция құйды

11:22, 16 наурыз 2017

Казкоммерцбанктің ірі акционері Кеңес Рақышев калифорниялық Orbi Prime стартапына 3,5 млн доллар инвестиция құйды. Аталған жоба панорамды видео түсіруге арналған көзілдіріктер шығарады. Бұл туралы Rusbase хабарлады.

Жоба өкілінің сөзінше, келісім ақпан айында жасалған. Ал оған дейін бағдарлама Indiegogo краудфандингтік кампанияның аясында 300 мың доллар жинаған.

Orbi Prime стартапты қазақстандық инженерлер Ескендір Рахманбердиев пен Әділ Сұраншин ойлап тапқан.

Көзілдіріктер видеоны 360 градуста түсіруге арналған. Уақыты 90 минутқа дейін. Құрылғыға Wi-Fi таратқыш та орнатылған. Оның көмегімен бейнероликті әлеуметтік желілерге салуға болады. Түсірілім төрт Full HD камераның көмегімен жүзеге асады.

Дереккөз: 7kun.kz

Подписывайтесь на наш Telegram-канал. Будьте в курсе всех событий!
Мы работаем для Вас!