Қазақстанда азық-түлік өнімдері арзандады

14:06, 19 қыркүйек 2017

Алматы. 19 қыркүйек. 7kun.kz – Қазақстанда азық-түлік өнімдерінің бағасы 0,9 пайызға арзандады. Бұл туралы Ұлттық экономика министрлігі хабарлады.

Министрліктің мәліметінше, азық-түлік тауарлары бағасының 0,9 пайызға төмендеуі инфляцияның 0,1 пайыздық тармаққа төмендеуіне үлес қосты. Бұл жеміс-көкөніс өнімдерінің 9,2 пайызға маусымдық арзандауымен байланысты. Жаңа піскен жемістердің бағасы 4,4 пайызға, жаңа піскен көкөністерге 13,2 пайызға, картоп 20,4 пайызға төмендеді. Сонымен қатар, құмшекер бағасының 2,2 пайызға, қарақұмық жармасының 2,9 пайызға, жұмыртқаның 1,5 пайызға төмендегендігі байқалады.

Статистика деректеріне қарағанда, жыл басында 19 әлеуметтік маңызды азық-түлік тауарының баға индексі 1,1 пайызды құрады.

2017 жылы тамызда жекелеген азық-түлік бағасының: шұжық 1,4 пайызға, құс еті 1,2 пайызға, сиыр және шошқа еті 1,1 пайызға, жылқы және қой еті 0,4 пайызға артқаны байқалды. Сүт өнімдерінің бағасы 1,2 пайызға, алкогольді ішімдіктер 1 пайызға өскен.

Айгүл Хожантаева

Источник: 7kun.kz

Подписывайтесь на наш Telegram-канал. Будьте в курсе всех событий!
Мы работаем для Вас!