AMANAT партиясы сайлау жарнасын төлемейді – ОСК

11:42, 15 ақпан 2023

AMANAT партиясы сайлау жарнасын төлеуден босатылады. Бұл туралы бүгін Орталық сайлау комиссиясының хатшысы Мұхтар Ерман айтты, деп хабарлайды 7kun.kz ҚазАқпаратқа сілтеме жасап.

«Парламент Мәжілісі депутаттарының алдыңғы сайлауында дауыс беруге қатысқан сайлаушылардың 5 және одан да көп пайыз дауысын алған саяси партиялар сайлау жарнасын төлемейді. 2021 жылғы қаңтарда өткен Парламент Мәжілісі депутаттарының сайлауында AMANAT партиясы сайлаушылар дауысының 71,9 пайызын алған. Осыған байланысты AMANAT партиясы сайлау жарнасын төлеуден босатылады», — деді ОСК хатшысы.

Айта кетейік, бүгін Орталық сайлау комиссиясы AMANAT партиясының Мәжіліс депутаттығына кандидаттарының партиялық тізімін тіркеді.

Источник: 7kun.kz

Подписывайтесь на наш Telegram-канал. Будьте в курсе всех событий!
Мы работаем для Вас!