29 желтоқсандағы сауда қорытындысы бойынша доллар бағамы сәл өсті

2025 жылғы 29 желтоқсан күні сағат 15:30-да Қазақстан қор биржасында (KASE) шетел валюталары бойынша күндізгі сауда аяқталды, деп хабарлайды Zakon.kz.

Сауда қорытындысы бойынша доллардың орташа өлшенген бағамы 504,76 теңгені құрап, 0,52 теңгеге өсті.

Ресей рублінің бағамы да өсіп, 6,51 теңгеге жетті (+0,05).

Қытай юанінің таңертеңгі саудадағы бағамы 72,30 теңгені құрады (–0,18).

Айырбастау пункттерінде доллар 505–509 теңгеден сатып алынып, сатылуда, еуро – 591,3–598 теңге, рубль – 6,35–6,48 теңге аралығында.

29 желтоқсанда мұнайдың әлемдік бағасы да өсу үстінде.

Лондондағы ICE (InterContinental Exchange) биржасында Brent маркалы мұнайдың бір баррелінің бағасы 0,68 долларға қымбаттап, 61,32 долларды құрады.

Ал Нью-Йорктегі NYMEX (New York Mercantile Exchange) биржасында Light маркалы мұнай 0,63 АҚШ долларына қымбаттап, бір баррелі 57,37 доллар болды.

Бұған дейін Ұлттық банк таңертеңгі саудада доллар бағамын 504,6 теңге, еуроны – 594,27 теңге, рубльді – 6,48 теңге деңгейінде белгілеген еді.