25 тамыздағы сауда-саттықта доллар бағамы төмендеді

2025 жылғы 25 тамызда сағат 15:30-да Қазақстан қор биржасында (KASE) шетел валюталарымен күндізгі сауда-саттық аяқталды, деп хабарлайды Zakon.kz.

Доллардың орташа өлшенген бағамы 535,99 теңгені құрап, 1,37 теңгеге төмендеді.

Ресей рублінің бағамы 6,65 теңгеге дейін (-0,04) төмендеді.

Қытай юанінің орташа өлшенген бағамы таңғы саудада 74,95 теңгені құрады (+0,19).

Әлемдік мұнай бағасы 25 тамыздағы сауда-саттықта өсті.

Атап айтқанда, Brent маркалы мұнайдың бағасы барреліне 68,01 долларды құрап, кейін фьючерс құны 67,93 долларға дейін төмендеді.

Сонымен қатар, WTI маркалы мұнайдың қазан айындағы жеткізілімге арналған фьючерсінің бағасы барреліне 63,91 долларға жетті.

Таңертең Ұлттық банк доллар бағамын 537,34 теңге, еуроны – 623,05 теңге, рубльді – 6,65 теңге деңгейінде белгіледі.

Күннің алғашқы жартысындағы валююта бағамын мына жерден көре аласыз.