12 маусымда доллар бағамы қайта өсті

Қазақстан қор биржасында (KASE) 2026 жылғы 12 маусым күні сағат 15:30-да шетел валюталары бойынша күндізгі сауда-саттық аяқталды, деп хабарлайды Zakon.kz.

Сауда қорытындысы бойынша доллардың орташа өлшенген бағамы 489,33 теңгені құрады. Бұл алдыңғы көрсеткішпен салыстырғанда 1,44 теңгеге жоғары.

Ресей рублі бойынша сауда-саттық өткізілген жоқ, себебі Ресейде бұл күн мереке болып саналады.

Қытай юанінің күндізгі саудадағы бағамы 72,37 теңге болды (+0,38).

Сонымен қатар, әлемдік мұнай бағасы 12 маусымдағы саудада төмендеді.

Мәселен, тамыз айына арналған Brent маркалы мұнай фьючерсі 3,1%-ға арзандап, баррелі 87,60 доллар болды.

WTI маркалы мұнай шілде жеткізілімі бойынша 2,9%-ға төмендеп, шамамен 85,19 доллар деңгейінде саудалануда.

Апта қорытындысы бойынша Brent және WTI бағалары шамамен 6%-ға төмендеген.

Таңертең Ұлттық банк доллар бағамын 487,76 теңге, еуроны 562,39 теңге, рубльді 6,75 теңге деңгейінде белгілеген болатын.