20 ақпандағы сауда барысында доллар бағамы тағы да 500 теңгеден төмен түсті

Қазақстан қор биржасында (KASE) 2025 жылғы 20 ақпанда сағат 15:30-да шетел валюталары бойынша күндізгі сауда-саттық жабылды, деп хабарлайды Zakon.kz.

Сауда-саттықтың қорытындысы бойынша доллардың орташа сараланған бағамы 3,63 теңгеге төмендеп, 499,76 теңге болды.

Қытай юанінің орташа сараланған бағамы 68,81 теңгеге дейін өсті (+0,02).

Ақша айырбастау орындарында доллар 501,1-504,7 теңге, еуро 521-526 теңге, рубль 5,55-5,69 теңге аралығында сатылуда.

20 ақпандағы сауда барысында әлемдік мұнай бағасы көтерілді.

Осылайша, ICE Futures электрондық саудасында сәуірдегі Brent фьючерстерінің құны 0,04%-ға өсіп, барреліне $76,07 құрады.

NYMEX электрондық саудасында WTI мұнайының сәуірдегі фьючерстері 0,01%-ға өсіп, барреліне 72,11 долларды құрады.

Ұлттық банк таңертең доллар бағамын 503,61 теңге, еуроны 524,96 теңге, рубльді 5,58 теңге деп белгіледі.