Италияда көліктер ағылып жатқан тас жолға ұшақ құлады

Италияның Фенили Беласи ауылы маңындағы тас жол үстіне жеңіл моторлы ұшақ құлады, деп хабарлайды Zakon.kz.

Brescia Today басылымының хабарлауынша, ұшақ апаты кезінде бортта екі адам болған. Бірі – 75 жастағы ер адам, екіншісі - 60 жастағы әйел. Екеуі де опат болды. Марқұмдардың денелері өртеніп кеткен ұшақтың фюзеляж жағынан табылды.

Басылымның хабарлауынша, тас жолға ұшақтың мұрнымен келіп қадалуы салдарынан болған жарылыс кезінде жолаушылар көлігі мен жүк көлігі де апатқа ұшыраған. Ондағы адамдар ауыр жарақат алмаған.

Әзірге, ұшақтың неге құлағаны тексеріліп жатыр.

Ұшақтың апатқа ұшыраған сәті видеоға түсіп қалған. Ролик әлеуметтік желілер мен шетелдік БАҚ-тарда таралуда.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от СМИ zakon.kz (@zakon.kz)

Бұрын Бангладештегі колледж аумағына әскери ұшақ құлап, ондаған адам қаза тапқаны хабарланған болатын.