Қазақстан әйелдер құрамасы керлингтен Азия ойындарының қола медалі үшін күреседі

13 ақпанда Қазақстан әйелдер құрамасы керлингтен 2025 жылғы Азия ойындарының жартылай финалында жеңіліс тапты, деп хабарлайды Zakon.kz.

Жартылай финалда отандастарымыз Оңтүстік Кореямен кездесті. Ойын толық 6 эндке созылды. Нәтижесінде оңтүстіккореялық спортшылар 2-10 есебімен жеңіске жетті.

Ұлттық құрама 14 ақпанда Астана уақытымен сағат 10:00-де қола медаль үшін сынға түседі.

Ал ерлер құрамасы А тобының соңғы ойынында Гонконгпен кездесті. Матч қорытындысы бойынша қарсылас команда 5:8 есебімен жеңіске жетті. Осылайша Қазақстан ерлер құрамасы 2025 жылғы Азия ойындарында өнер көрсетуін аяқтады.