Өзбекстан Президенті мемлекеттік сапармен Нұр-Сұлтанға келіп жетті

21:39, 5 желтоқсан 2021
9737

© Сурет: Өзбекстан Президентінің баспасөз қызметі

Сапардың негізгі іс-шаралары 6 желтоқсанда өтеді.

Өзбекстан Президенті Шавкат Мирзиеев Нұр-Cұлтан қаласына мемлекеттік сапармен келді, деп хабарлайды Zakon.kz.

Көрші мемлекеттің көшбасшысы елордаға Мемлекет басшысы Қасым-Жомарт Тоқаевтың шақыруымен келді, деп хабарлайды Өзбекстан Президентінің баспасөз қызметі.

Нұрсұлтан Назарбаев атындағы халықаралық әуежайда мәртебелі мейманның құрметіне құрметті қарауыл сап түзеді.

 

Нұр-Сұлтан әуежайы

Сурет: Өзбекстан Президентінің баспасөз қызметі

Өзбекстан басшысын Қазақстан Республикасының Президенті Қасым-Жомарт Тоқаев қарсы алды. Көшбасшылар қысқаша сөз алмасты.

 

Сапардың негізгі іс-шаралары 6 желтоқсанда өтеді. Жоғары деңгейдегі келіссөздер барысында саяси диалогты нығайту, сауда-экономикалық және көлік-логистикалық ынтымақтастықты дамыту, мәдени-гуманитарлық байланысты кеңейту мәселелері талқыланады. Мемлекет басшылары өңірлік және халықаралық саясат мәселелері бойынша да пікір алмасады.

Келіссөздер қорытындысы бойынша 20-дан астам құжатқа қол қою көзделген.

 

Саясат

Сурет: Өзбекстан Президентінің баспасөз қызметі

 

 

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!