Ұшақ апаты кезінде әуе кемесінің қай бөлігі қауіпсіз

10:56, 6 қаңтар 2025

© Сурет: pixabay

Ұшақтың артқы бөлігі алдыңғы жағына қарағанда қауіпсіз деген сенім бар. Әзірбайжан авиакомпаниясының 8243 рейсі мен Jeju Air авиакомпаниясының 2216 рейсінің апаттары мұны бір қарағанда растайды, деп хабарлайды Zakon.kz.

Ақтау маңындағы ұшақ апатынан аман қалған 29 адам ұшақтың артқы жағында отырған. Әуе кемесі екі бөлікке бөлінгенде артқы жағы айтарлықтай зақым алмаған. Оңтүстік Корея апатынан аман қалған жалғыз адам — ұшақтың соңындағы жиналмалы орындықта отырған екі стюардесса болды.

2015 жылы Time журналының тілшілері АҚШ-тағы 1985-2000 жылдар аралығында қаза тапқандар мен тірі қалғандар болған барлық ұшақ апаттарының жазбаларын зерттеп, ұшақтың артқы үштен бір бөлігінде өлім-жітімнің жалпы деңгейі 32%-ды, ал алдыңғы үштен бір бөлігі 38%-ды, және ортасы 39%-ды құрағанын анықтады.

Ұшу қауіпсіздігі бойынша сарапшылар бұл сенімді жоққа шығарды.

"Жолаушылардың орындары олардың апат кезіндегі аман қалу деңгейін көрсетпейді",- деді Хасан Шахиди, ұшу қауіпсіздігі қорының президенті. Ол әр апат әртүрлі болатындығын айтты.

Эд Галея, Лондон Гринвич университетінің өрт қауіпсіздігі профессоры, ұшақ апатынан эвакуациялау бойынша зерттеулер жүргізген. Ол келесідей қорытындығы келді.

"Қауіпсіз саналатын сиқырлы орын жоқ. Бұл апаттың қалай болғанына байланысты. Кейде алдыңғы бөлігі артқы жағына қарағанда қауіпсіз болады".

Сонымен қатар, Галея және өзге де сарапшылар жолаушылар орындықтарының шығу есігіне қаншалықты алыс орналасқаны маңызды екенін атап өтті, себебі бұл эвакуация кезінде ең маңызды фактор.

Бұған дейін Әзірбайжан билігінің Ақтау маңындағы ұшақ апаты кезінде көмек көрсеткен қазақстандық құтқарушыларды марапаттағаны хабарланған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!