ҰҚК Қазақстан мен Ресей шекарасында 29 мигрант отырған жүк көлігін ұстады

17:47, 14 мамыр 2025

© Фото: zakon.kz

2025 жылдың 12 мамырында Ақтөбе облысының "Жайсан" автокөлік өткізу пунктінде шекарашылар заңсыз көші-қон әрекетін тоқтатты, деп хабарлайды Zakon.kz.

Ресейге транзиттік жүріп келе жатқан жүк көлігін қарап-тексеру кезінде тасымалданған жүктің арасында Мемлекеттік шекарадан заңсыз өтуге әрекеттенген 29 шетелдік азамат табылды.

Осы факті бойынша ҰҚК Ақтөбе облысы бойынша Шекара қызметінің Департаменті ҚР Қылмыстық кодекстің 394-бабы (Заңсыз көші-қонды ұйымдастыру) бойынша сотқа дейінгі тергеп-тексеруді бастады.

ҰҚК шекара қызметі ұлттық заңнамаға сәйкес Қазақстан Республикасының Мемлекеттік шекарасын және оның режимін бұзу қылмыстық және әкімшілік жауаптылыққа әкеп соғатынын еске салады.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!