Тірі мен өлі мал бір қорада: Алматы маңындағы кент тұрғындары дабыл қағуда

Қырғауылды кентінің тұрғындары өңірдегі шаруалардың бірі, тірі мал мен өлген малды бір қорада ұстайтынына алаңдаушылық білдіріп отыр. Өлекселерді тазаламағандықтан, ауылды жағымсыз иіс басып кеткен, деп хабарлайды Zakon.kz.

Жағымсыз бейнелер әлеуметтік желілерде тарап кетті. Кадрда үлкен қорада жылқы, сиыр, шошқа малдары аралас бағылатыны көрініп тұр. Оның үстіне мал қалдықтарына толы аймақта, өлекселерден бөлек, тұра алмай жатқан үй жануарлары, тұрғандары балшыққа батып, әрең қозғалатындары бейнеленген.

"Қырғауылды кенті, Бірлік көшесі. Тірі жануарлар өлекселермен бір қорада тұр. Көптеген жылдар бойы мәселе шешілмеді. Дәлірек айтқанда, біз ол туралы бүгін ғана білдік! Біз жағымсыз иіс, қорадағы кірден, тазалық болмағанынан шығады деп ойладық. Бүгін қарасақ, бұл жерде тірі мал мен өлекселер бір қорада ұсталады екен. Тұрғындар шара қолдануды сұрайды!"- делінген видеоның жазбасында.

Пікірлер арасында жергілікті тұрғындар наразылықтарын жаппай жазған.

• Көршілер болып қаншама рет шағымдандық. Жаңалықтар да келіп түсіріп кетті, бәрі нәтижесіз.
• Біз сонда тұрамыз. Қаншама жыл бұл қорлыққа төзіп келеміз. Барлық суспензия жоғарғы тас жол бойымен арыққа тікелей ағады.
• Бұл сұмдық бұрыннан бар және шошқа еті 20 жылдан бері тікелей сатылып келеді.
• Трассадан өткенде иіске шыдау мүмкін емес. Көршілеріне жаным ашиды.

Посмотреть эту публикацию в Instagram

Публикация от КАСКЕЛЕН И КАРАСАЙСКИЙ РАЙОН (@kaskelenkz)

Редакция Алматы облысының әкімдігіне түсініктеме алу үшін жүгінді. Олар қазірдің өзінде шаралар қабылданып жатқанын хабарлады.

"Бірлік көшесі, 26 тұрғындарының жағымсыз иіске шағымдары бойынша Қарасай ауданы әкімінің орынбасары тиісті емес жағдайда ұсталатын жануарлардың иесімен әңгімелесті. Нәтижесінде шошқалар мен жылқыларды сату туралы келісімге қол жеткізілді. 42 шошқа шығарылды, жылқыларды тасымалдау күтілуде. Жағдай ауылдық округ әкімінің, полиция мен ветстанцияның бақылауында", - деп түсіндірді әкімдікте.

Мұнда жануарларға осындай қатыгездік орын алып жатқанда, елдің басқа аймақтарында құтқарушылар олардың өмірі үшін күресуде. Мысалы, Батыс Қазақстан облысында суға батып кете жаздаған жылқылар табыны құтқарылды.