Шетелде өтіп жатқан референдумда қандай танымал қазақстандықтар дауыс берді – фото және видео
© Сурет: Telegram/prkvrf
Қазақстанның Сыртқы істер министрлігі 2026 жылғы 15 наурызда шетелде ашылған сайлау учаскелері туралы жаңартылған ақпарат ұсынды, деп хабарлайды Zakon.kz.
Мәліметіне сүйенсек, сағат 14:00-ге дейін шет елдерде Қазақстанның 66 референдум учаскесі ашылып, оларға келіп дауыс бергендер саны 3248 адамды құрады.
Қазақстанның танымал дзюдошылары – 2024 жылғы Олимпиада ойындарының қола жүлдегері Ғұсман Қырғызбаев және әлем чемпионаттарының екі дүркін жүлдегері Әбиба Әбужақынова – Қазақстан Республикасының Чехия Республикасындағы Елшілігі жанындағы №437 референдум учаскесіне барды.
Белгілі болғандай, Нимбурк қаласында өтіп жатқан халықаралық оқу-жаттығу жиынында жүрген спортшылар Қазақстан Республикасының жаңа Конституциясын қабылдау мәселесі бойынша референдумға қатысып, өздерінің азаматтық ұстанымдарын білдіріп, ел үшін маңызды саяси оқиғаға қолдау көрсетті.
Сонымен қатар, Түркияның жан-жағынан білім алып жатқан қазақ жастары референдумға белсенді қатысуда.
Елшілікте дауыс беріп жатқан жастар еліне деген сағынышын ән-күймен жеткізіп, ерекше көңіл-күй сыйлауда.
Қазақстанның Ресейдегі елшілігінде Мәскеудегі сайлау учаскесінде ұзын-сонар кезекте тұрған қазақстандықтардың суреті жарияланды.
Мұнымен қоса, дипломатиялық өкілдікте Мәскеудегі учаскеде Қазақстанның Ресейдегі елшісі Дәурен Абаевтың дауыс бергені хабарланды.
Референдум-2026 туралы барлық жаңалықтарды сілтеме бойынша оқи аласыз.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:11, 15 наурыз 2026
Атырау облысында ғасыр жасаған кейуаналар дауыс берді
-
16:48, 15 наурыз 2026
Дауыс беру үшін аспаннан түсті: Өскеменде референдумға әуе шарымен және парапланмен ұшып келген
-
16:34, 15 наурыз 2026
Референдумның тарихи маңызы бар: Қырғызстан ОСК төрағасы Қазақстандағы референдум туралы
-
16:22, 15 наурыз 2026
Референдумда дауыс бергендер туралы жаңартылған мәлімет жарияланды
-
16:11, 15 наурыз 2026
2026 жылғы Референдум: халықаралық бақылаушылар дауыс беру барысы туралы айтты





