Президент Шымкенттегі заңсыз ғимараттарды бұзу туралы сынға пікір білдірді

Қазақстан президенті Қасым-Жомарт Тоқаев Үкіметтің 2025 жылғы 28 қаңтардағы кеңейтілген отырысында Шымкенттегі заңсыз құрылыстардың бұзылуына қатысты пікір білдірді, деп хабарлайды Zakon.kz.

Ол заң алдында бәрі тең екенін және қалада жер учаскелері мәселесі өткір тұрғанын атап өтті. Өткен жылдан бастап заңсыз салынған нысандарды бұзу басталған болатын.

"Мемлекеттік органдардың мұндай әрекеттері сынға ұшырайды. Алайда, бұдан қорықпау керек, өйткені әкімдік заңға сәйкес жұмыс істейді. Бірақ халықпен пікір алмасуды жалғастыру қажет, яғни түсіндіру жұмыстарын тоқтатпау керек. Қазір елде өздерін қоғам қайраткерлері деп санайтын топтар пайда болды. Олар көп жағдайда әлеуметтік медианы пайдаланып, биліктің дұрыс, бірақ көптеген адамның көңілінен шыға қоймайтын шешімдерін көтеріп, ел арасында түсініспеушілік туғызады. Осыға байланысты, халыққа барлық шешімдерді мұқият түсіндіру маңызды. Бұл барлық аймақтарға қатысты. Кез келген жұмыс барынша ашық әрі түсінікті болуы тиіс",-деді Қасым-Жомарт Тоқаев.

Бұған дейін Астана әкімі LRT жобасы мәре сызығына жетіп қалғандығын айтқан болатын.