Майамидегі турнирде теннисшілер қанша ақша тапты

13:15, 1 сәуір 2025

© Фото: Zakon.kz

Zakon.kz тілшісі АҚШ-тағы WTA-1000 турнирі аяқталғаннан кейін теннисшілердің жарыстан қанша табыс тапқандары жайлы ақпарат дайындады. Бұл жолы пайдаға кенелгендердің көшін Арина Соболенко бастап тұр. Толығырақ ақпаратта.

Sportskeeda деректеріне сүйенсек, Беларусь теннисшісі Арина Соболенко Miami Open-ге қатысып, 1 млн 124 мың доллар табыс тапты. Ал, оның финалдағы қарсыласы Джессика Пегула 600 мың долларды қанағат тұтты.

Сурет: j48tennis

Қазақстандық Елена Рыбакина турнирде екінші айналымнан бастап өнер көрсете бастады. Тек бір матч өткізген ол 35 мың долларға жуық табыс тапты.

Жартылай финалистер 333 мыңға жуық қаражат иеленсе, ширек финалға шыққандар 190 мың долларға жуық ақша алды.

Рыбакинаның 17 жастағы ізбасары Мирра Андреева турнирді үшінші айналымда аяқтаған басқа теннисшілермен бірге 60 мың доллар табыс тапты. Ал жарыстың басында шыққан спортшылар 19 мың доллардан алды.

Бұған дейін Қазақстан құрамасы шпагамен семсерлесуден әлем кубогы кезеңіндегі өнерін аяқтағаны хабарланған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!