«Көшедегі адам ұрлығы» - Астана полициясы жағдайға түсініктеме берді

Елорда полициясы адамды көлікке салып, алып кететін резонанстық бейнеге түсініктеме берді, деп хабарлайды Zakon.kz.

Қазақстандық әлеуметтік желілерде үш жігіт бір жігітке күш көрсетіп көлікке отырғызып әкеткен видеоролик таралуда. Жәбірленуші барынша қарсыласып, төбелесуге дейін барады. Бейнежазба Астана қаласында түсірілген.

Назар аударыңыз, бейнеде балағат сөздер бар!

Посмотреть эту публикацию в Instagram

Публикация от ASTANA|АСТАНА|SERGEK (@astana_brothers)

Ролик жазбасында ұрлау туралы болжамдар бар. Тағы бір нұсқа – мас күйдегі жігітке достары көмектесіп жатыр.

Полиция бұл жағдайға түсініктеме берді.

"Аталған факті бойынша қатысушылар анықталды, тексеру жүргізілуде. Адам ұрлау фактісі расталмайды. Астана қаласының полиция департаменті жалған ақпарат таратпауды және ресми дереккөздерге сенуді ЕСКЕРТЕДІ".Астана қаласы ПД баспасөз қызметі

Бұған дейін "Таиландтағы қонақүйден қазақстандық балаларды ұрлау" туралы видеоға ҚР СІМ түсініктеме берді.