Қазақстандықтарға алаяқтар ұрлаған ақшаны «қайтаруға» тағы бір мәрте уәде берілді

Қазнетте жаңа жалған ақпарат таратылуда. Оның авторы Қазақстанда алаяқ брокерлер ұрлаған ақшаны қайтарумен айналысатын мемлекеттік қызмет құрылды деп мәлімдеген. Бұл хабар сенуге тұрарлық па. Толығырақ Zakon.kz ақпаратында.

Stopfake.kz мамандары бұл ақпараттың жалғандығын айқындайтын бірнеше белгі бар екендігін айтады.

Бірінші. Қызмет Үкіметтің жарлығымен құрылды деген жалған мәлімдеме. Мәтінде Киберпол және ҰҚШҰ сияқты ұйымдар туралы айтылады, бұл ресмилік сезімді тудырады. Алаяқтар адамдардың белгілі құрылымдар мен мемлекеттік органдарға сенетінін біледі.

Екінші. Атақты адамның фотосуретін пайдалану. Жарнамада ҰҚШҰ Бас хатшысы Иманғали Тасмағамбетовтың 2024 жылғы наурыздағы жаңалықтар мақаласынан алынған суреті пайдаланылған.

Сурет: Stopfake.kz

Бұл фотосуреттің жалған қызметке қатысы жоқ.

Үшінші. Фишингтік сілтеме. Алаяқтардың сайтында домендік аймақта тіркелген порталға апаратын "бізбен байланысу" батырмасы орналасқан. Бұл домен бастапқыда итальяндық және испандық қолданушыларға бағытталған, қазір ол барлық адамдар үшін ашық.

"Маңызды! Деректеріңізді белгісіз сайттарға жібермеңіз. Алаяқтар сіздің ақпаратыңызды теріс мақсатта пайдалана алады", – деп ескертеді сарапшылар.