Қазақстанда сұйытылған мұнай газының көтерме саудадағы шекті бағасы бекітілді

Қазақстан Республикасының Энергетика министрі 2026 жылғы 1 шілдеде ішкі нарыққа тауар биржаларынан тыс жеткізілетін сұйытылған мұнай газының көтерме саудадағы шекті бағасын бекіту туралы бұйрыққа қол қойды, деп хабарлайды Zakon.kz.

Құжатқа сәйкес, 2026 жылғы 1 шілдеден 31 желтоқсанға дейін Қазақстанның ішкі нарығына жеткізілетін сұйытылған мұнай газының көтерме саудадағы шекті бағасы қосылған құн салығын (ҚҚС) есептемегенде тоннасына 59 722 теңге болып белгіленді.

Бұйрық 2026 жылғы 1 шілдеден бастап қолданысқа енгізілді.

Айта кетейік, 2026 жылғы 1 қаңтар мен 30 маусым аралығында да сұйытылған мұнай газының көтерме саудадағы шекті бағасы тоннасына 59 722 теңге деңгейінде болған.