Қазақстанда іздеуде жүрген 2 мыңнан астам күдікті ақпараттық технологиялардың нәтижесінде табылды

Қазақстан Республикасының қаржы департаментінің бастығы Ілияс Испановтың прокуратура органдарында ақпараттық жүйелерді дамыту туралы айтты, деп хабарлайды Zakon.kz.

Ілияс Испановтың сөзінше, Бас прокуратура ақпараттық жүйелерді басқа мемлекеттік органдар сияқты дамытып келеді.

"Ең бастысы қадағалау өндірісін бір қалыпқа келтіріп, оны әрі қарай дамытып, прокурорлардың күнделікті жұмысына ақпараттық технологияларды қолдану үшін біршама жаңа бағдарламаларды іске қостық". ҚР қаржы департаментінің бастығы Ілияс Испанов

Бұл бағдарлама бойынша прокурордың әр қадағалау бағыты автоматтандырылады, соның арқасында жүйені дұрыстап, бақылауды күшейту мәселесі қолға алынған. Мысалы, іздеу салу мәселесі алты бағыттан тұрады.

Посмотреть эту публикацию в Instagram

Публикация от Қазақстан Республикасының Бас прокуратурасы (@prokuratura.govkz)

"Бұл бағыттарды автоматтандырудың арқасында, оны топтастырып, бір кешенге жинау - біз үшін үлкен жетістік. Соның арқасында бүгінгі таңдағы қолданылып жатқан мемлекеттік органдардың базасынан іздеуде жүрген азаматтар туралы мәліметтерді алынып және ақылды қалалар, полиция департаментінің жүйелеріне интеграция жасап, іздеуде жүрген азаматтардың суреті арқылы қалада, ауылда орналасқан бейнекамералар арқылы тауып беру мәселесі қолға алынды". Ілияс Испанов

Ведомство өкілінің айтуынша, осының арқасында республика бойынша іздеуде жүрген 2 мыңнан астам адам табылып, тиісті шара қолданылды.